CnN 越南之旅2012 pt1/7

NnC 越南之旅 1/7 (2012.09.18-24)
Day 1 : 香港 > 胡志明市（機場）> (Dist 1) Asian Ruby 3 Hotel [Check-in] > TheSinhTourist > 清平食館(THANH BINH)> 檳城夜市> Asian Ruby 3 Hotel
出越南機場第一件事立即去唱錢。出左禁區左右兩旁有幾間找換店、租車公司，網友介紹有一間免佣(出禁區左邊）。記得係香港唱定美金先，因為係越南美金比港幣對高好多，而且越南大部分遊客區都收美金，$250美金唱到$5,202,000越南盾。 唱完錢立即搭的士去酒店（Asian Ruby 3 Hotel ）。 係越南有好多黑心的士，尤其係機場，黑心的士質素差、唔識路、兜路、唔跟錶同你講價。 係越南坐的士一定要坐以下2間的士公司，佢地個電話大大隻印係車身，好易認。佢地係越南規模最大、質素較好、一般跟錶收費。 ai Linh (38.38.38.38) Vinasum (38.27.27.27) 聽網友講，係機場好多人等的士，如果唔識越南話好難截到的士。很多人會去找換店旁的租車公司買車票(其實都係比架的士你)，幾年前去Dist 1定額收費要VND$200,000，現在唔知要幾錢。不過我地好好彩，出機場冇乜人等的士，得小貓三四隻，好輕易上到的士。 係機場去Asian Ruby 3 Hotel 跟錶要 VND$170,000 Asian Ruby 3 Hotel 近我地明天出發的TheSinhTourist。房間尚可，經 agoda.com.hk 訂房信用咭網上付款連稅 HKD 302.55 (1晚) Ckeck-in 放低行李後，先去TheSinhTourist 。 Asian Ruby 3 Hotel 離TheSinhTourist好近，出酒店穿過個公園行幾步就到，不用5分鐘。 　 　 　 TheSinhTourist 門口 　 TheSinhTourist 係越南最大的旅行社，信譽好，差不多所有自由行都會幫襯佢，佢地經營Local Tour、Open Bus (長途巴士）。 佢地可以網上訂購旅遊產品，接受信用卡網上付款。我地係網上預先訂左胡志明市去芽莊的長途車票及芽莊One Day Local Tour（雖然芽莊Local Tour有D不愉快經歷，之後再講）。 係網上訂購左旅遊產品記得印番張網上收據，去到TheSinhTourist櫃台出示網上收據佢會出番張正式收據及車票，張正式收據上車會收番所以唔好唔見。 順便我地訂埋Day5 果日的”MY THO – BEN TRE 1 DAY TOUR”。 攪好晒手續我地搭的士去清平食館(THANH BINH)食晚飯 (的士費VND$31,000)。 清平食館係檳城夜市後面，其實離Asian Ruby 3 Hotel唔遠（行20-25分鐘） 清平食館(THANH BINH) 140 Le Thanh Ton Street, Q1 　 　 　 　 　 　 1客越春卷 1客椒鹽炸蝦 1碗雞絲蟹肉湯麵 1碗蝦球蟹肉湯麵 2個椰青 2片扎肉 (越南地道扎肉係用荷葉包住) ------------------------------------------------------ 一共VND$406,000 　 出左清平食館向左手面直行5分鐘過左個十字路口有間OK便利店，我地去OK買左個雪糕、薯片、同杯麵，之後再返檳城夜市行左個圈便搭的士返酒店休息，明天要一早出門口。 Asian Ruby 3 Hotel 經 agoda.com.hk 訂房信用咭網上付款連稅 HKD 302.55 (1晚) 評價： 房間乾淨整潔 位置方便，距離TheSinhTourist5分鐘路程、檳城夜市20-25分鐘路程 　 　 　 　 Day 2>>	餐廳: 清平食館(THANH BINH) 140 Le Thanh Ton Street, Q1 酒店: Asian Ruby 3 Hotel 100 Le Lai Street, Ben Thanh Ward, District 1