CnN 土耳其希臘之旅 2014 - Day 8

今次間酒店唔包早餐，我地十點半出發，由酒店行去Fira大約十五分鐘。我地係Fira 崖邊啲餐廳食早餐。

然後沿崖邊閒逛。原本想落去OLD PORT，但係纜車好多人排隊，本想行山路落去(如果唔想行可以騎騾仔)，但行唔夠幾分鐘就頂唔順折返，因為條路實在太臭，條路好多騾屎，同時充斥住騾仔啲臭味。

最後我地只係係崖邊慢步，尋找傳說中的藍頂白屋教堂。

大約4點半我地搭公車去Oia 睇日落。雖然19:30日落，但係17:30已經好多人擺位。

睇完日落我地搭車返去Fria，係街邊買左個希臘肉卷做晚餐。

然後行返酒店休息。明天搭船去Mykonos。